Saturday, December 8, 2018

Sarap ng simoy kapag may nagawa



Sasabihin ko na.

Masaya na ako na kahit marahan ay lumaganap at nabubuo ang wikang Filipino sa buong kapuluan ay kaibayohan.

Ang awit ay wika ng diwa, habang ang pagkain ay wika ng ating panlasa at hilig ng ating kalamnan. Itong himig at awitin na isinatinig ni Min Yasmin ay gawa at lahad ng ating mga kapatid na Tausug, Sama, at Malayo sa kanlurang bahagi ng ating kapuluan at karatig tangkay na kalupaan ng Malaysia.

Di na kelangan magpakita pa ng maraming maseselang balat sa katawan upang mapansin ang ganda ng himig. Ang wika ng diwa ay totoong tatagos sa laman, maging sa buto at pusong bato. Tiyak na makikita at maramdaman ang hatid na pawari kahit nakapikit ang mga mata. 



Tayong mga mananaliksik, manunulat, at mahilig sa pagluluto ay huwag mabahala. Tuloy-tuloy lang tayo sa pag-ambag sa adhikaing maging ganap ang ating sariling wikang Filipino. Maging ako ay hindi rin po isangTagalog pero kinikilala ko ang wikang Filipino. Ako po ay isa lamang hamak ay mapagkumbabang BISDAK (Bisayang Dako). Ang wikang Filipino ay hindi Tagalog bagama't sa ngayon karamihang gamit na salita ay sa Katagalogan. Ang Filipino ay tayong lahat. Araw-araw ang kabuuan nito ay magbabago ng bilang at anyo ayon sa maiambag at makasanayan ng lahat.

Sa mga kaganapan ko sa buhay bilang mananaliksik at manunulat ay masasabi ko na di rin nasayang ang buhay ko sa mundong ibabaw nang mabuo ko ang unang limbag ng PFCDD na siyang bumibigkis sa lahat ng WIKAIN (wika + pagkain) sa ating kapuluan. 

Di na ako magtatanong pa kung bakit napakasarap ng simoy kapag ikaw ay may nagawa.

#PFCDD #PhilippineFoodCookingAndDiningDictionary  

Tuesday, November 6, 2018

Huwag malimot mamahagi. Huwag malimot magpasalamat.

Photo courtesy of Gaban Teddy of FB Group "HAPPY FARMERS Tanim dito, tanim doon"

May nagsasabi dapat ay kinuha na lahat ng mga bunga bago mahinog para di maunahan ng mga ibon. Wag naman po lahat. Magtira din po para sa kalikasan. Share din po natin sa mga ibon at ibang nilalang ng kalikasan ang mga biyaya. 

Ang mga ibon ay isa din po sa dahilan bakit sagana tayo sa pagkain. Sila ang nanghuhuli ng mga uod at peste sa taniman. Kaya pasalamatan din natin sila sa pamagitan ng pagbahagi ng ilang bunga.

Nangyari yan sa kasaysayan ng China sa kapanahonan ni Mao Zedong, dating pinuno ng Tsina, kung kelan pinag-uutos niya na pagpapatayin ang lahat ng ibong maya na kilalang kumakain sa kanilang palayan. Inubos ang mga ibon sa paligid na tinaguriang Great Sparrow Campaign noong 1958.

Matapos nilang lipulin ang lahat ng ibon ay dumating ang sakuna ng peste at inubos ang kanilang palayan. Dumami ang peste kasi wala na ang mga ibon na siyang likas na nanghuhuli at nanginain sa mga ito. Nasalanta ang lahat ng pananim. Milyon milyon ang namatay sa matinding gutom na humantong pa sa karumaldumal na kanibalismo. Sanhi ng matinding gutom ay humantong sa punto na may mga magulang na kinakain na ang kanilang mga anak. At ang mga anak ay natutunan din nilang kainin ang kanilang mga magulang. Karumaldumal. Maituturing na ito ang yugto ng napakarumaldumal na kasaysayan ng sangkatauhan sa kalupaan ng Tsina.

Yan ang mangyayari kung ganid tayo o nagdadamot magbahagi ng kunti sa kalikasan. Sabi ng bibliya pati yong wala ka ay kukunin sayo.

Huwag malimot mamahagi.
Huwag malimot magpasalamat.



Related reading:

TRY ALSO EDGIE'S NEW PAGES HERE

Philippine Food, Cooking, and Dining Dictionary (Open & Free)

Philippine Food Illustrated

Like us in Facebook

About Me

My photo

A lexicographer and author of Philippine Food, Cooking, and Dining Dictionary.  Blogger with 11 blog sites. Researcher of food culture, pop culture, places, structures, transportations, churches and whatever interest him about the Philippines. A visual artist. Travelled all over the Philippines.  Photographer. 

ADD ME in your circles to get updates of my pages

SUBSCRIBE now by email to get my next posts. No spam, promise.

HELP ME NOW. I NEED YOUR SUPPORT


  • any amount with your Pay Pal or card.

Your contribution will help fund Edgie Polistico's research and development of Pinoy dictionaries. More discoveries, information, and knowledge will be shared to you and to others because of your generosity. Thank you for giving.

CLICK HERE on how else to help this project